خاڵ دیجیتاڵ
کۆبوونەوەیەکى تایبەت بە پرۆژەی ئینسایکلۆپیدیا (زانیاریینامە)ی پارێزگای هەڵەبجە بەڕێوەچوو، کە پرۆژەیەکی هاوبەشی نێوان زانکۆی هەڵەبجەو رێکخراوی خاڵە ولە سەدا 54 پرۆژەکە تەواو بووە و زیاتر لە دەهەزار بابەت لە خۆدەگرێت..
سەرلەبەیانی 23-8-2023 لە کتێبخانەی ناوەندی، سەرۆکایەتی زانکۆی هەڵەبجە، ئینسایکلۆپیدیای پارێزگای هەڵەبجە، بە ئامادەبوونی بەڕێزان پارێزگار جێگرانی پارێزگار و سەرۆکی زانکۆ کۆمەڵێک بە ڕێوەبەری گشتی و ڕێکخراوی کۆمەڵگەی مەدەنی و کۆمەڵێک کەسایەتی شارەکە، کۆبونەوەیەکی تایبەت بەکاروچالاکیەکانی پرۆژەی ئینسایکلۆپیدیای پارێزگای هەڵەبجە ئەنجامدرا.
لە کۆبوونەوەکەدا سەرۆکی ئەنجومەنی ئینسایکلۆپیدیا و دەستەی کارگێڕی و بەرپرسی بۆردەکان راپۆرتی چالاکیەکانیان خوێندەوە و ڕایانگەیاند کە لەسەدا 54ی پرۆژەکە کە بریتیە لە نوسین و ئامادەکردنی 5400 بابەت ئامادەکراوە و داوایان لە ئامادەبوان کرد هاوکاریان بن بۆ بە ئەنجامگەیاندنی تەواوی پرۆژەکە.
هەر لەو کۆبونەوەیەدا هەریەکە لە بەڕێزان سەرۆکی زانکۆ و پارێزگار وتەیان پێشکەشکرد و سوپاسی زۆری هەڵسوڕێنەرانی پرۆژەکەیانکرد.
پاشان نوێنەری کۆمەڵێک لە ڕێکخراو و لایەنی سیاسی و کەسایەتی سوپاس وسەرنج و پێشنیازیان لەسەر پرۆژەکە خستە ڕوو.
پرۆژەی ئینسایکلۆپیدیای پارێزگای هەڵەبجە، پرۆژەیەکی هاوبەشی نێوان زانکۆی هەڵەبجە و رێکخراوی خاڵ بۆ هزر ورۆشنبیرییە، کە بەڕێز شێخ عەلی شێخ عیزەدین ئەرکی داراییەکەی لە ئەستۆ گرتووە.
کلیک لێرە بکە بۆ بینینى تەواوى وێنەکان
