ئەمڕۆ سێ شەمە ٢٠٢٥/٢/٤ لە ئۆفیسی سەرەکی لەشاری سلێمانی «م.تۆفیق کەریم سەرۆکی ڕێکخراوی خاڵ ڕەوشت مەحمەد و هێمن عەلی کارگێڕانی ڕێکخراو» پێشوازیان کرد لە بەڕێزان «حسن علاالدین ئەحمەد بەڕێوەبەری جێبەجێکاری دەزگای ڕوانگە و سەربەست مەنمی بەرپرسی نوسینگەی سلێمانی و بەشێک لە کارمەندانى دەزگاکە».
بەڕێوبەری جێبەجێکاری دەزگای ڕوانگە، دەستخۆشی دەزگاکەی ئاڕاستەی ڕێکخراوی خاڵ کرد لەپای خزمەتەکانی بە کلتور و ئەدەبی کوردی.
لە بەشێکی دیکەدا، باس لەکاری هاوبەشی نێوان هەردوولاکرا بەتایبەت کۆبەرهەمی هەژار موکریانی، کە بە بەرهەمێکی گرنگ و پڕبایەخی ڕێکخراوی خاڵ ناوبراو هەروەها جەخت لە بەردەوامی لەکاری پێکەوەیی کرایەوە.
