ئەمڕۆ سێشەممە 5/9/2023 پرۆژه‌ی ئینسایكلۆپیدیای پارێزگای هه‌ڵه‌بجه و ناوه‌ندی كوردستان بۆ دۆكیومێنت و لێكۆڵێنه‌وه‌ی ئه‌كادیمی یاداشتی لێكتێگه‌یشتنیان له زانكۆی سلێمانی ناوه‌ندی كوردستان بۆ دۆكیومێنت و لێكۆڵێنه‌وه‌ی ئه‌كادیمی واژۆکرد،
كه نوێنه‌رانی هه‌دوولا بە سەرپەرشتی بەڕێزان پ.ی.د.هەردی مەهدی میکە بەڕێوەبەری ناوەندی کوردستان لە زانکۆی سلێمانی و پ.ی.د.حسین محمد صالح رحیم لە زانکۆی هەڵەبجە و ڕێکخراوی خاڵ ئامادەی بوون، لە کۆبوونەوەکەدا گفتوگۆ له‌سه‌ر پێڕه‌و و چۆنێتی كاركردن له (پرۆژه‌ی ئینسایكلۆپیدیای پارێزگای هه‌ڵه‌بجه)دا كرا. بەپێی لێکتێگەشتنەکە ناوەندی کوردستان بە سوود وەرگرتن لە ئه‌رشیفی ناوەند (به‌ڵگه‌نامه، ده‌ستنووس، ئامار)ی تایبه‌ت به هه‌ڵه‌بجه، توانای مرۆیی و توێژه‌رانی ناوه‌نده‌كه هاوکار دەبێت بۆ پڕۆژەی ئینسایکلۆپیدیای پارێزگای هەڵەبجە.